Молитвослов православного воина

В мемуарах об обороне Севастополя в минувшую войну не раз встречается упоминание о том, как наши моряки перед рукопашной атакой (которую так боялись немцы), прежде чем подняться на бруствере во весь рост, осеняли себя Крестным знамением. Недаром говорится: «В окопах неверующих не бывает».

Православная вера вновь возвращается в солдатские казармы после неистовой многолетней работы политруков по воспитанию русского воина-атеиста. Этот «Молитвослов православного воина» призван помочь солдатам и офицерам находить в Боге спасителя и помощника в защите Отечества.

Краткий молитвослов воина

Слава Господу, ибо Он есть источник всякой славы…

Александр Васильевич Суворов, великий русский полководец

О вере и молитве

Не все считают себя верующими. Не так много людей ведут церковный образ жизни. Однако уж совсем мало найдется таких, которые бы вовсе отрицали для себя Бога. Часто мы даже не подозреваем, что вера и надежда на помощь Божию хранятся глубоко в сердце и только ждут своего часа. Для некоторых этот час наступает в периоды трудностей и испытаний, когда мы понимаем, что наших собственных сил не хватает, когда мы устаем, изнемогаем, когда открывается наша человеческая слабость и кажется, что лютые враги восстали на нас. Недаром говорят: «В окопах неверующих не бывает».

Армия сегодня — это не только суровая школа жизни, в которой проверяется на прочность и закаляется мужской характер. В наше жестокое время военное служение связано с особой опасностью, во многих случаях смерть смотрит солдату в лицо. Поэтому воину любого звания нужнее всего вера в Бога и посильная молитва. Тогда в критических ситуациях Бог разделит с нами нашу естественную человеческую немощь, страх, боль, и это станет основанием мужества, мудрости, несокрушимой воли и духа. Именно в этом всегда была основа побед и бесстрашия русского воинства.

Взывая ко Господу из глубины нашего отчаяния или смертельной опасности, мы просим Его, по существу, быть нам и Богом и Другом. И Он никогда не отказывает просящим.

Молиться можно всегда и везде, во всяком месте, во всякое время, при любых обстоятельствах. И когда все благополучно, и когда с головой накрывают скорби. Молиться можно в одиночестве, когда есть свободная минута собраться с мыслями, и в гуще людей в дороге, в казарме, на учениях, совершая молитву про себя. Молиться можно и своими словами, и церковными молитвами. Для этого есть короткие молитвы на все случаи жизни:

Господи, помилуй!

Господи, помоги!

Го́споди Иису́се Христе́, Сы́не Бо́жий, поми́луй мя гре́шнаго.

Приведенная здесь молитва называется «Иисусовой», или «Умной молитвой», потому что обычно читается в уме, про себя, в многократном повторении. На марше, в карауле, во время боевой операции проси всем сердцем помощи от Бога, повторяя непрерывно в уме эту молитву.

Утренняя молитва воинов

О Бо́же наш! Пода́ждь нам си́лы в день сей и ве́чно служи́ть Тебе́ и Оте́честву.

Вечерняя молитва воинов

Го́споди! Спаси́, сохрани́, поми́луй нас, осени́ во тьме ночно́й во́инов и Росси́ю всю, и огради́ их Кресто́м Твоим от вражьих сил, и пра́ведный низпосли́ нам сон.

Перед сном знаменуй себя крестом и говори краткую молитву Честному Кресту:

Огради́ мя, Го́споди, си́лою Честна́го и Животворя́щаго Твоего́ Креста́, и сохрани́ мя от вся́каго зла.

Краткое молитвенное правило для утра и вечера

Приступая к любому делу, в том числе к молитве, нужно положить крестное знамение — перекреститься. Но когда это невозможно сделать по каким-то причинам, достаточно повторить про себя: Во и́мя Отца́, и Сы́на, и Свята́го Ду́ха. Аминь. И затем читать следующие молитвы:

Молитва Господня

О́тче наш, И́же еси́ на Небесе́х! Да святи́тся имя Твое́[1], да прии́дет Ца́рствие Твое́,

да бу́дет во́ля Твоя́, я́ко на небеси́ и на земли́. Хле́б наш насу́щный да́ждь нам дне́сь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́́ваго.

Песнь Пресвятой Богородице

Богоро́дице Де́во, ра́дуйся, Благода́тная Мари́е, Госпо́дь с Тобо́ю, благослове́нна Ты в жена́х и благослове́н плод чре́ва Твоего́, я́ко Спа́са родила́ еси́ душ на́ших.

Молитва Ангелу Хранителю

А́нгеле Бо́жий, храни́телю мой святы́й, на соблюде́ние мне от Бога с Небесе́ да́нный, приле́жно молю́ тебя́: ты меня днесь (сегодня) просвети́, и от вся́каго зла сохрани́, ко благо́му дея́нию наста́ви, на путь спасения напра́ви. Ами́нь.

Молитвенное призывание святого, имя которого носишь

Моли Бо́га о мне, святы́й уго́дниче Бо́жий (имя святого), я́ко аз усе́рдно к тебе́ прибега́ю, ско́рому помо́щнику и моли́твеннику о душе́ мое́й.

Символ веры

Ве́рую во Еди́наго Бо́га Отца́, Вседержи́теля, Творца́ не́бу и земли́, ви́димым же всем и неви́димым.

И во Еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша.

Нас ра́ди челове́к и на́шего ра́ди спасе́ния сше́дшаго с Небе́с и воплоти́вшагося от Ду́ха Свя́та и Мари́и Де́вы и вочелове́чшася.

Распя́таго же за ны при Понти́йстем Пила́те, и страда́вша, и погребе́нна.

И воскре́сшаго в тре́тий день по Писа́нием.

И возше́дшаго на небеса́, и седя́ща одесну́ю Отца́.

И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́.

И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки.

Во еди́ну Святу́ю, Собо́рную и Апо́стольскую Це́рковь.

Испове́дую еди́но креще́ние во оставле́ние грехо́в.

Ча́ю воскресе́ния ме́ртвых, и жи́зни бу́дущаго ве́ка. Ами́нь.

Молитва о живых

Спаси́, Го́споди, и поми́луй роди́телей мои́х (имена), ро́дственников и друзе́й (имена их), и всех правосла́вных христиа́н.

Молитва о усопших

Упоко́й, Го́споди, ду́ши усо́пших раб Твои́х (здесь молимся о тех близких нам людях, кто уже умер, и называем имена их) и всех усо́пших правосла́вных христиа́н, и прости́ им вся согреше́ния во́льная и нево́льная, и да́руй им Ца́рствие Небе́сное.

Окончание молитв

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех свя́тых, поми́луй нас. Ами́нь.

В трудностях и опасностях

Читай псалом 90‑й на церковнославянском языке

Живы́й в по́мощи Вы́шняго, в кро́ве Бо́га небе́снаго водвори́тся. Рече́т Го́сподеви: Засту́пник мой еси́ и прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тма одесну́ю тебе́, к тебе́ же не прибли́жится, оба́че очи́ма твои́ма смо́триши и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло, и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Я́ко на Мя упова́, и изба́влю и́, покры́ю и́, я́ко позна́ и́мя Мое́. Воззове́т ко Мне, и услы́шу eго́, с ним есмь в ско́рби, изму́ eго́ и просла́влю eго́, долгото́ю дней испо́лню eго́ и явлю́ eму́ спасе́ние Мое́.

Можно читать этот псалом и в русском переводе:

Живущий под кровом Всевышнего под сенью Всемогущего покоится, говорит Господу: «прибежище мое и защита моя, Бог мой, на Которого я уповаю!» Он избавит тебя от сети ловца, от гибельной язвы, перьями Своими осенит тебя, и под крыльями Его будешь безопасен; щит и ограждение — истина Его. Не убоишься ужасов в ночи, стрелы, летящей днем, язвы, ходящей во мраке, заразы, опустошающей в полдень. Падут подле тебя тысяча и десять тысяч одесную тебя; но к тебе не приблизится: только смотреть будешь очами твоими и видеть возмездие нечестивым. Ибо ты сказал: «Господь — упование мое»; Всевышнего избрал ты прибежищем твоим; не приключится тебе зло, и язва не приблизится к жилищу твоему; ибо Ангелам Своим заповедает о тебе охранять тебя на всех путях твоих; на руках понесут тебя, да не преткнешься о камень ногою твоею; на аспида и василиска наступишь; попирать будешь льва и дракона. «За то, что он возлюбил Меня, избавлю его; защищу его, потому что он познал имя Мое. Воззовет ко Мне, и услышу его; с ним Я в скорби; избавлю его и прославлю его, долготою дней насыщу его, и явлю ему спасение Мое».

Ежедневная молитва защитника Отечества

Владыка Го́споди, Ты сподо́бил меня недосто́йного и гре́шного служи́ть моей Родине, выполня́ть долг защи́тника Отечества! Полага́юсь всем свои́м существо́м, се́рдцем и ду́хом на святу́ю во́лю Твою. Молю́ Тебя, Человеколю́бче Го́споди, чтобы рука моя и ору́жие были напра́влены на пра́вое де́ло и что́бы не стать мне, страстно́му и гре́шному, ору́дием зла и непра́вды. Все ниспо́сланное Тобой научи́ принима́ть с терпе́нием и кро́тостью, и́бо я челове́к не́мощный и сла́бый, несу́щий крест служе́ния среди́ подо́бных мне, но Ты еди́нственно мо́жешь воспо́лнить на́ше недосто́инство, всели́ть дар му́дрости и смире́ния, и, наипа́че, велича́йший дар любви́ к своему́ бли́жнему. Молю́ Тебя упра́вить меня во всем вре́мени да́нного мне служе́ния, во всех испыта́ниях, тя́готах и опа́сностях, кото́рые вы́падут мне на долю. Да́руй мне благополу́чно прейти́ их, и це́лым, и здра́вым возврати́ться домо́й. Ибо Тебе принадлежи́т ми́лость и спасе́ние, и Тебе славу воссыла́ю, Отцу́ и Сы́ну и Свято́му Ду́ху, ны́не и при́сно и во ве́ки веков. Ами́нь.

Сугубые молитвы воинов

Приготовьтесь к войне, возбудите храбрых; пусть выступят, поднимутся все ратоборцы. Перекуйте орала ваши на мечи и серпы ваши — на копья; слабый пусть говорит: «Я силен». Иоил.3:9–10

Молитвы перед сражением

Молитва св.блгв.князя Александра Невского перед Невской битвой

Бо́же хва́льный и пра́ведный! Бо́же вели́кий и кре́пкий! Бо́же Преве́чный, сотвори́вый не́бо и зе́млю и поста́вивый преде́лы язы́ков[8], и жи́ти и́м повеле́вый, не преступа́я в чужие ча́сти, и да́вый рабо́м Свои́м упова́ние, Преве́чное Твое́ Сло́во, во е́же не боя́тися ма́лому ста́ду от убива́ющих те́ло; милосе́рдия же ра́ди неизрече́нныя ми́лости Твоея́, посла́л еси́ Единоро́днаго Сы́на Твоего́ на спасе́ние и избавле́ние ро́да челове́ча. И ны́не, Влады́ко преще́дрый, слы́ши словеса́ варва́ра сего́, прего́рдо хва́лящагося разори́ти Святу́ю Твою́ Це́рковь, и потреби́ти ве́ру Правосла́вную, и пролия́ти кро́вь христиа́нскую, при́зри с Небесе́ и ви́ждь и посети́ виногра́д Сво́й, суди́ оби́дящим мя́ и возбрани́ борю́щимся со мно́ю; приими́ ору́жие и щи́т и ста́ни в по́мощь мне́, да не реку́т врази́ на́ши: где́ е́сть Бо́г и́х? Ты́ бо еси́ Бо́г на́ш и на Тя́ упова́ем, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Аминь.

Молитва вторая

О вели́кое и́мя Пресвяты́я и Живонача́льныя Трои́цы! Пречи́стая Госпоже́ Богоро́дице, помога́й нам на проти́вныя враги́, моли́твами Твоего́ уго́дника, преподо́бнаго игу́мена Сергия, спаси́ ду́ши на́ша!

Молитва третья

Да воскре́снет Бо́г и расточа́тся врази́ Его́, и да бежа́т от лица́ Его́ ненави́дящие Его́. Я́ко исчеза́ет ды́м, да исче́знут; я́ко та́ет во́ск от лица́ огня́, та́ко да поги́бнут гре́шницы от лица́ Бо́жия, а пра́ведницы да возвеселя́тся. Госпо́дь Бо́г благослове́н, поспеши́т на́м Бо́г спасе́ний на́ших. Ди́вен Бо́г во святы́х Свои́х, Бо́г Изра́илев, То́й да́ст си́лу и держа́ву лю́дем Свои́м. Ами́нь.

Молитва четвертая

Творение св. вмч. Феодора Стратилата

Го́споди Бо́же Всеси́льный, всех упова́ющих на ми́лость Твою́ не оставля́яй, но защища́яй их, бу́ди ми ми́лостив, и соблюди́ мя от пре́лести вра́жия Твои́м защище́нием, да не паду́ пред сопроти́вники мои́ми, и да не пора́дуется враг мой о мне: предста́ни ми, Спаси́телю мой, в по́двизе сем, в него́ же вни́ти жела́ю за имя Твое́ святое. Ты мя укрепи́ и утверди́, и пода́ждь силу ста́ти му́жественно за Тя до кро́ве и положи́ти ду́шу мою любве́ Твое́я ра́ди, я́коже и Ты, возлюби́в нас, положи́л еси́ на Кресте́ ду́шу Свою́ за нас. Ами́нь.

Молитва пятая

Творение св. благоверного князя Андрея Боголюбского

Го́споди, при́зри на не́мощь мою и виждь смире́ние мое, и злу́ю мою печа́ль, и скорбь мою, одержа́щую мя ны́не! Да, упова́я, терплю́ о всех сих. Благодарю́ Тя, Го́споди, я́ко смири́л еси́ ду́шу мою, и в Ца́рствии Твое́м прича́стника мя сотвори́! И се ны́не, Го́споди, а́ще и кровь мою пролью́т, причти́ мя в ли́ки святы́х му́ченик Твои́х. Ами́нь.

Молитва общая во время нашествия врагов

Творение свт. Тихона Задонского

Воскресни́, Го́споди, помози́ нам и изба́ви нас и́мене ради Твоего́. Бо́же, уще́дри ны́ и благослови́ ны́, просвети́ лице́ Твое́ на ны́ и поми́луй ны́! Благоволи́л еси́, Го́споди, землю Твою́, возврати́л еси́ плен Иа́ковль.

Оста́вил еси́ беззако́ния людей Твоих, покры́л еси́ вся грехи их. Укроти́л еси́ весь гнев Твой, возрати́лся еси́ от гне́ва я́рости Твоея́. Возврати́ нас, Бо́же спасе́ний на́ших, и отврати́ я́рость Твою́ от нас. Еда́[9] во ве́ки прогне́ваешися на ны́? Или простре́ши гнев Твой от ро́да в род? Бо́же, Ты обра́щься оживи́ши ны́, и лю́дие Твои возвеселя́тся о Тебе́. Яви́ нам, Го́споди, ми́лость Твою́, и спасе́ние Твое́ даждь нам.

Молитвы небесным покровителям воинов

Молитва Архистратигу Михаилу

Святы́й и вели́кий Арха́нгеле Бо́жий Михаи́ле, неисповеди́мыя и пресу́щественныя Тро́ицы пе́рвый во А́нгелех предстоя́телю, ро́да же челове́ческаго приста́вниче и храни́телю, сокруши́вый с во́инствы свои́ми главу́ прего́рдаго денни́цы на небеси́ и посрамля́яй вы́ну[10] зло́бу и кова́рства его́ на земли́! К тебе́ прибега́ем с ве́рою и тебе́ мо́лимся с любо́вию: бу́ди щит несокруши́м и забра́ло тве́рдо Святе́й Це́ркви и Правосла́вному Оте́чествию на́шему, огражда́я их молниено́сным мече́м твои́м от всех враг, ви́димых и неви́димых. Бу́ди А́нгел Храни́тель, прему́др светода́тель и споспе́шник и́мже во вла́сти суть. Бу́ди вождь и сора́тай непобеди́м христолюби́вому во́инству на́шему, венча́я его сла́вою и побе́дами над супоста́ты, да позна́ют вси противля́ющиися нам, яко с на́ми Бог и свя́тии А́нгели Его. Не оста́ви же, о Арха́нгеле Бо́жий, по́мощию и заступле́нием твои́м и нас, прославля́ющих днесь свято́е и́мя твое́: се бо, а́ще и многогре́шни есмы́, оба́че не хо́щем в беззако́ниих на́ших поги́бнути, но е́же обрати́тися ко Го́споду и оживле́нным бы́ти от Него́ на дела́ блага́я. Озари́ ум наш све́том Бо́жиим, и́же вы́ну сия́ет на молниеви́дном челе́ твое́м, да возмо́жем разуме́ти, что есть во́ля Бо́жия о нас, блага́я и соверше́нная, и ве́дети вся, я́же подоба́ет нам твори́ти и я́же презира́ти и оставля́ти. Укрепи́ благода́тию Госпо́днею сла́бую во́лю и немощно́е произволе́ние на́ше, да, утверди́вшеся в зако́не Госпо́днем, преста́нем про́чее вла́ятися земны́ми по́мыслы и похоте́ньми пло́ти, увлека́ющеся по подо́бию несмысле́нных дете́й скороги́бнущими красо́тами ми́ра сего́, я́ко ра́ди тле́ннаго и земна́го безу́мне забыва́ти ве́чная и небе́сная. Над все́ми же си́ми испроси́ нам свы́ше дух и́стиннаго покая́ния, нелицеме́рную печа́ль по Бо́зе и сокруше́ние о гресе́х на́ших, да остаю́щее нам число́ дней вре́меннаго живота́ на́шего иждиве́м не во угожде́нии чу́вств и рабо́те страсте́м на́шим, но во изглажде́нии зол, соде́янных на́ми, слеза́ми ве́ры и сокруше́ния серде́чнаго, по́двигами чистоты́ и святы́ми дела́ми милосе́рдия. Егда́ же прибли́зится час сконча́ния на́шего и свобожде́ния от уз бре́ннаго сего́ телесе́, не оста́ви нас, Арха́нгеле Бо́жий, беззащи́тных проти́ву духо́в зло́бы поднебе́сных, обы́кших прегражда́ти души́ челове́честей восхо́д в го́рняя, да, охраня́еми тобо́ю, безпреткнове́нно дости́гнем о́ных пресла́вных селе́ний ра́йских, иде́же не́сть печа́ль, ни воздыха́ние, но жизнь безконе́чная, и, сподо́бльшеся узре́ти пресве́тлое лице́ Всеблага́го Го́спода и Влады́ки на́шего, па́дше со слеза́ми у ногу́ Его́, в ра́дости и умиле́нии воскли́кнем: сла́ва Тебе́, дража́йший Искупи́телю наш, И́же за премно́гую любо́вь Твою́ к нам, недосто́йным, благоволи́л еси́ посла́ти А́нгелы Твоя́ в служе́ние спасе́нию на́шему. Ами́нь.

Молитва св.блгв.князю Александру Невскому, в иноках Алексию

Ско́рый помо́щниче все́х усе́рдно к тебе́ прибега́ющих и те́плый на́ш пред Го́сподом предста́телю, святы́й благове́рный вели́кий кня́же Александре! При́зри ми́лостиво на ны, недосто́йныя, мно́гими беззако́нии непотре́бна себе́ сотво́ршия, к ра́це моще́й твои́х (или: к ико́не твое́й) ны́не притека́ющия и из глубины́ се́рдца к тебе́ взыва́ющия: ты́ в житии́ твое́м ревни́тель и защи́тник Правосла́вныя ве́ры бы́л еси́: и на́с в не́й те́плыми твои́ми к Бо́гу моли́твами непоколеби́мы утверди́. Ты́ вели́кое возложе́нное на тя́ служе́ние тща́тельно проходи́л еси́: и на́с твое́ю по́мощию пребыва́ти коего́ждо, в не́же при́зван е́сть, наста́ви. Ты́, победи́в полки́ супоста́тов, от преде́лов Росси́йских о́ных отгна́л еси́, и на на́с ополча́ющихся все́х ви́димых и неви́димых враго́в низложи́. Ты́, оста́вив тле́нный вене́ц ца́рства земна́го, избра́л еси́ безмо́лвное житие́, и ны́не пра́ведно венце́м нетле́нным увенча́нный на Небесе́х ца́рствуеши, исхода́тайствуй и на́м, смире́нно мо́лим тя́, житие́ ти́хое и безмяте́жное, и к Ве́чному Ца́рствию ше́ствие неукло́нное твои́м предста́тельством устро́й на́м. Предстоя́ же со все́ми святы́ми Престо́лу Бо́жию, моли́ся о все́х правосла́вных христиа́нех, да сохрани́т и́х Госпо́дь Бо́г Свое́ю благода́тию в ми́ре, здра́вии, долгоде́нствии и вся́ком благополу́чии в должа́йшая ле́та, да при́сно сла́вим и благослови́м Бо́га в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Молитва святому великомученику Георгию Победоносцу

Святы́й, сла́вный и всехва́льный великому́чениче Гео́ргие! Со́браннии во хра́ме твое́м и пред ико́ною твое́ю свято́ю покланя́ющиися лю́дие мо́лим тя́, изве́стный жела́ния на́шего хода́таю: моли́ с на́ми и о на́с умоля́емаго от Своего́ благоутро́бия Бо́га, да ми́лостивно услы́шит на́с, прося́щих Его́ благосты́ню, и не оста́вит вся́ на́ша ко спасе́нию и житию́ ну́ждная проше́ния; и па́ки припа́дающее мо́лим тя, свя́тый Победоно́сче, укрепи́ да́нною тебе́ благода́тию во бра́нех правосла́вное во́инство, рзруши́ си́лы возстаю́щих враго́в, да постыдя́тся и посра́мятся, и де́рзость и́х да сокруши́тся, и да уве́дят, я́ко мы́ име́ем Боже́ственную по́мощь: и все́м в ско́рби и обстоя́нии су́щим многомо́щное яви́ свое́ заступле́ние. Умоли́ Го́спода Бо́га, всея́ тва́ри Созда́теля, изба́вити на́с от ве́чнаго муче́ния, да всегда́ прославля́ем Отца́ и Сы́на и Свята́го Ду́ха, и твое́ испове́дуем предста́тельство, ны́не и при́сно и во ве́ки веко́в. Ами́нь.

Святой великомученик Георгий Победоносец был крупным военачальником при дворе императора Диоклетиана. За веру был восемь дней жестоко мучим и обезглавлен 6 мая 303 года. Со времен князя Димитрия Донского считается покровителем Москвы, позднее изображение святого Георгия на коне вошло в состав Российского государственного герба. Покровительство святого Георгия распространяется на все рода войск.

Молитва великомученику Димитрию Мироточивому, Солунскому

Свя́тый и сла́вный великому́чениче Христо́в Дими́трие, ско́рый помо́щниче и те́плый засту́пниче с ве́рою притека́ющиx к тебе! Предстоя́ со дерзнове́нием Небесному Царю́, испроси́ у Него́ проще́ние согреше́ний на́ших, и о еже изба́витися нам от всегуби́тельныя я́звы, тру́са, пото́па, огня́, меча́ и ве́чныя ка́зни. Моли́ бла́гость Его, еже уше́дрити град сей, оби́тель сию́ и вся́кую страну́ христиа́нскую. Исхода́тайствуй у Царя́ ца́рствующих стране́ на́шей Росси́йстей мир, тишину́, тве́рдость в ве́ре и преспе́яние во благоче́стии; нам же, чту́щим честну́ю па́мять твою́, испроси́ благода́тное укрепле́ние на дела́ блага́я, да благоуго́дное Влады́це на́шему Христу́ Бо́гу зде творя́ще, сподо́бимся моли́твами твои́ми насле́довати Ца́рствие Небе́сное для ве́чнаго прославле́ния Его, со Отце́м и Святы́м Ду́хом, во веки веко́в. Ами́нь.

Святой великомученик Димитрий Солунский — греческий полководец, умерщвленный за веру после чудовищных пыток императором Диоклетианом в 306 году. Небесный покровитель благоверного князя Димитрия Донского, помощник русского воинства в победе над Мамаем. После Куликовской битвы, в 1380 году, благоверный князь Димитрий Донской установил поминовение убитых русских воинов в Димитриевскую субботу (ближайшую перед 26 октября). С тех пор и доныне ежегодно в этот день Церковь поминает всех воинов «на брани живот свой положивших».

Молитва святому великомученику и страстотерпцу царю Николаю

О, святы́й страстотерпче царю́-му́чениче Нико́лае, пома́занника Своего́ тя Господь избра́, во еже ми́лостивно и пра́во суди́ти лю́дем твои́м, и храни́теля царства правосла́внаго бы́ти: ца́рское служе́ние сие́ и о душа́х попече́ние со страхом Божиим соверша́л еси́. Испыту́я же тя, я́ко зла́то в горни́ле, ско́рби го́рькия Госпо́дь ти попусти́, я́ко же Ио́ву многострада́льному, последи́ же престо́ла ца́рскаго лише́ние и му́ченическую сме́рть посла́ ти. Вся сия́ кро́тко претерпе́вый, я́ко и́стинный раб Христо́в, наслажда́ешися ны́не вы́шния сла́вы у Престо́ла всех Царя́ ку́пно со святы́ми му́ченики: свято́ю цари́цею Алекса́ндрою, святы́м царе́вичем Алекси́ем, святы́ми царе́внами О́льгою, Татиа́ною, Мари́ею и Анастаси́ею и с ве́рными слуги́ твои́ми. Но я́ко име́я дерзнове́ние ве́лие ко Христу́ Царю́, Его́же ра́ди и пострада́, моли́ с ни́ми, да отпу́стит Госпо́дь грех наро́да, не возбрани́вшаго убие́ние твое́, царя́ и пома́занника Бо́жия, да изба́вит Госпо́дь стра́ждущую страну́ Росси́йскую от лю́тых безбо́жник, за грехи́ на́ша и отступле́ние от Бо́га попу́щенных, и возста́вит престо́л правосла́вных царе́й, нам же пода́ст грехо́в проще́ние и на вся́кую доброде́тель наста́вит нас, да стя́жем смире́ние, кро́тость и любо́вь, и́хже сии́ му́ченицы яви́ша, да сподо́бимся Небе́снаго Ца́рствия, иде́же ку́пно с тобо́ю и все́ми святы́ми новому́ченики и испове́дники росси́йскими просла́вим Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Редко какому святому сопутствует еще до официального прославления столь широкое народное почитание и такое множество чудес, какое (хотя и тайно) уже с момента мученической кончины сопровождало последнего Российского императора и его семью. В 1917 году наш праведный Царь не захотел бороться за власть, боясь стать причиной нового кровопролития на Русской земле, без того уже истерзанной войной и междоусобицей. Но от своего народа, оклеветанный и почти всеми преданный, он не отрекался никогда. Теперь у русского православного народа есть два Николая Чудотворца: рядом с родным для каждого из нас святителем Николаем встал царь Николай Второй. Святые Царственные мученики прославлены на Архиерейском Соборе Русской Православной Церкви в 2000 году.

Молитва святому великомученику Феодору Стратилату

О свя́тый, сла́вный и всехва́льный великому́чениче Фео́доре Стратила́те! Со́брании днесь во хра́ме и пред ико́ною твое́ю свято́ю покланя́ющиеся лю́дие мо́лим тя, изве́стный жела́ния на́шего хода́таю: моли́ с на́ми и о нас умоля́емаго от Своего́ благосе́рдия Бо́га, да ми́лостивно услы́шит нас, благосты́ни у Него прося́щих, и вся на́ша ко спасе́нию и житию́ ну́жная проше́ния да испо́лнит, да да́рует же побе́ду на сопроти́вныя, и страну́ на́шу в ми́ре сохрани́т. Еще́ же мо́лим тя, святы́й победоно́сче Фео́доре Стратила́те: укрепи́ да́нною тебе́ благода́тию во бра́нех правосла́вное во́инство на́ше, разруши́ си́лы возстаю́щих на ны́ враго́в, да постыдя́тся и посра́мятся от лица́ ве́рных, и де́рзость их да сокруши́тся, и да уве́дят, я́ко при́сно Боже́ственную по́мощь има́мы. Та́кожде и всем, в ско́рби и обстоя́нии су́щим, многомо́щное твое́ яви́ заступле́ние. Умоли́ же Го́спода Бо́га, всея́ тва́ри Созда́теля, изба́вити нас от ве́чнаго муче́ния, да всегда́ прославля́ем Отца́ и Сы́на и Свята́го Ду́ха, и твое́ испове́дуем предста́тельство, ны́не и при́сно, и во ве́ки веко́в. Ами́нь.

Полководец и правитель города Ираклия Понтийская, святой Феодор Стратилат был распят на кресте, а затем усечен мечом при императоре Лицинии в 319 году. Он один из небесных покровителей Императорского дома Романовых и Российского воинства.

Молитва св.првд.Феодору, адмиралу флота, Непобедимому

Прини́кни, пра́ведне во́ине Фео́доре, с го́рних селе́ний на притека́ющих к тебе́, и вонми́ моле́нию их: умоли́ Го́спода Бо́га, дарова́ти всем нам, е́же ко спасе́нию на́шему мы про́сим от Него́ при святе́м твоем предста́тельстве. Ты вели́кое, возло́женное на тя служе́ние тща́тельно проходи́л еси́, и нас твое́ю по́мощию пребыва́ти коего́ждо, в не́же призва́н есть, наста́ви. Ты, победи́в супоста́тов мно́жества, и на нас ополча́ющихся всех ви́димых и неви́димых враго́в низложи́. Испроси́ у Всеми́лостиваго Бо́га: стра́ждущую страну Росси́йскую от лю́тых безбо́жник и вла́сти их да свободи́т, и да восста́вит престо́л правосла́вных царе́й. Умоли́ Го́спода Бо́га дарова́ти кре́пкий и ненаруши́мый мир, и зе́мли плодоно́сие, па́стырем святы́ню, зако́ном пра́вду и си́лу, военача́льником му́дрость и до́блесть непобеди́мую, градонача́льником суд, фло́ту твоему́ Росси́йскому и всему́ во́инству на́шему пре́данность ве́ре и Оте́честву, и неодоли́мое му́жество, всем же правосла́вным христиа́ном здра́вие и благоче́стие. Сохраня́й страну́ на́шу Росси́йскую и оби́тель сию́ святу́ю от всех наве́тов вра́жиих, да сло́вом и де́лом прославля́ется в них всесвято́е имя Отца́, и Сы́на, и Свята́го Духа, ныне, и при́сно, и во ве́ки веко́в. Ами́нь.

Адмирал, флотоводец, дипломат, стратег, политик, доброделатель Феодор Феодорович Ушаков (1745–1817) покровитель Российского флота. За всю свою блистательную военную карьеру Ушаков не получил ни одного поражения. Тому способствовала его поистине подвижническая и высокодуховная жизнь: он жил в миру как монах, его корабли называли плавающими монастырями, все они имели имена в честь святых и христианских праздников. Главным напутствием Ушакова перед боем морякам было: «Братцы! Читайте 26, 50, 90 псалмы, и вас не возьмет ни пуля, ни сабля». В 1804 году он составил подробнейшую записку о своем служении Российскому флоту, в которой подытожил свою деятельность: «Благодарение Богу, при всех означенных боях с неприятелем и во всю бытность оного флота под моим начальством в море, сохранением Всевысочайшей Благости, ни одно судно из оного не потеряло и пленными ни один человек из наших служителей неприятелю не достался». Остаток дней своих адмирал провел крайне воздержанно и окончил жизнь свою, как следует истинному христианину и верному сыну Святой Церкви.

Молитва святой равноапостольной первомученице Фекле

О свята́я уго́днице Бо́жия, равноапо́стольная первому́ченице Фе́кло! По́двигом до́брым подвиза́вшися на зе́мли, восприя́ла еси́ на небесе́х вене́ц пра́вды, его́же угото́вал есть Госпо́дь всем лю́бящим Его. Те́мже взира́юще на святы́й твой образ, ра́дуемся о пресла́внем сконча́нии жи́тельства твоего́ и чтем святу́ю па́мять твою. Ты же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́ о е́же прости́ти нам вся́кое прегреше́ние и помощи́ нам проти́ву ко́зней диа́вольских, да изба́вльшеся от скорбе́й, боле́зней, бед и напа́стей и вся́каго зла, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, аще и недосто́йни есмы́, ви́дети блага́я на земли́ живы́х, сла́вяще Еди́наго во святых Свои́х сла́вимаго Бо́га, Отца́ и Сы́на и Свята́го Ду́ха, ны́не и присно, и во ве́ки веко́в. Ами́нь.

Святая первомученица равноапостольная Фекла, ученица апостола Павла, была осуждена на съедение зверям, но по молитве звери не коснулись ее. Она скончалась на 90‑м году жизни. Имеет сугубую благодать спасать от гибели на войне и помогать находящимся в смертельной опасности.

Молитвы Пресвятой Богородице

Молитва ко Пресвятой Богородице перед иконою «Владимирская»

О, Всеми́лостивая Госпоже́ Богоро́дице, Небе́сная Цари́це, всемо́щная Засту́пнице, непосты́дное на́ше упова́ние! Благодари́м Тя о всех благодея́ниих, росси́йским лю́дем от Тебе́ бы́вших, от дре́вле и до дне́сь от чудотво́рныя ико́ны Твоея́ явле́нных. И ны́не, Преблага́я Влады́чице, при́зри на ны, гре́шныя и недосто́йныя рабы́ Твоя́, яви́ нам ми́лость Твою́ и моли́ Сы́на Твоего́, Христа́ и Бо́га на́шего, о е́же изба́витися нам от вся́каго зла и сохрани́тися вся́кому гра́ду и ве́си, и всей стране́ на́шей, от гла́да, губи́тельства, тру́са, пото́па, огня́, меча́, наше́ствия иноплеме́нник и междоусо́бныя бра́ни. Испроси́ всем, и́же во вла́сти суть благоде́нственное и ми́рное житие́, здра́вие, долгоде́нствие, во всем благо́е поспеше́ние и спасе́ние. Сохрани́ и умудри́ па́стырей Це́ркви, еже досто́йно пасти́ ста́до Христо́во и пра́во пра́вити сло́во и́стины; укрепи́ христолюби́вое всеросси́йское во́инство, пода́ждь дух сове́та и ра́зума военача́льником и градонача́льником; ниспосли́ свято́е Твое́ благослове́ние и всем правосла́вным христиа́ном, покланя́ющимся Ти и моля́щимся пред цельбоно́сною Твое́ю ико́ною. Бу́ди нам Засту́пница и Хода́таица пред Престо́лом Всевы́шняго, иде́же предстои́ши. К кому́ у́бо прибе́гнем, а́ще не к Тебе́, Влады́чице? Кому́ принесе́м сле́зы и воздыха́ния, а́ще не Тебе́, Пресвята́я Богоро́дице? Не и́мамы бо ины́я по́мощи, не и́мамы ины́я наде́жды, ра́зве Тебе́, Небе́сная Цари́це. Под Твой покро́в притека́ем: моли́твами Твои́ми низпосли́ нам мир, здра́вие, земли́ плодоно́сие, возду́ха благорастворе́ние, изба́ви ны от вся́ких бед и скорбе́й, от вся́ких неду́гов и боле́зней, от внеза́пныя сме́рти и от всех озлобле́ний враго́в ви́димых и неви́димых. Вразуми́ и научи́ ны, о Всеми́лостивая Засту́пнице, како безгрешно прейти путь земна́го сего́ жития́. Ты ве́си не́мощи на́ша, ве́си и согреше́ния на́ша, но и ве́ру ве́си, и упова́ние ви́диши: те́мже да́руй нам исправле́ние грехо́вныя жи́зни и умягчи́ зла́я сердца́ на́ша. Укрепи́ в нас пра́вую ве́ру, вложи́ в сердца́ на́ша дух стра́ха Бо́жия, дух благоче́стия, дух смире́ния, терпе́ния и любве́, в до́брых де́лех преуспея́ние: изба́ви нас от искуше́ний, от па́губных душевре́дных уче́ний, от неве́рия, развраще́ния и поги́бели ве́чныя. Тебе́ у́бо про́сим, Пречи́стая Влады́чице, и припа́дающе пред свято́ю Твое́ю ико́ною, мо́лимся: умилосе́рдися на ны и поми́луй ны, в Стра́шный же день Суда́ хода́тайством и заступле́нием Твои́м сподо́би ны ста́ти одесну́ю Сы́на Твоего́, Христа́ Бо́га на́шего, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м, и Пресвяты́м и Благи́м и Единосу́щным Его Ду́хом, ны́не и при́сно, и во ве́ки веко́в. Ами́нь.

Молитва ко Пресвятой Богородице перед иконою «Казанская»

О, Пресвята́я Госпоже́ Влады́чице Богоро́дице! Со стра́хом, ве́рою и любо́вию пред честно́ю (и чудотво́рною) ико́ною Твое́ю припа́дающе, мо́лим Тя: не отврати́ лица́ Твоего́ от прибега́ющих к Тебе́. Умоли́, милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь Свою́ Святу́ю непоколеби́му да соблюде́т и от неве́рия, ересе́й и раско́ла да изба́вит. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты еси́ всеси́льная христиа́н Помо́щница и Засту́пница. Изба́ви же и всех, с ве́рою Тебе́ моля́щихся, от паде́ний грехо́вных, от наве́та злых челове́к, от вся́ких искуше́ний, скорбе́й, боле́зней, бед и от внеза́пныя сме́рти. Да́руй нам дух сокруше́ния, смире́ние се́рдца, чистоту́ помышле́ний, исправле́ние грехо́вныя жи́зни и оставле́ние прегреше́ний, да вси, благода́рне воспева́юще вели́чия и ми́лости Твоя́, явля́емыя над на́ми зде на земли́, сподо́бимся и Небе́снаго Ца́рствия, и та́мо со все́ми святы́ми просла́вим пречестно́е и великоле́пое и́мя Отца́, и Сы́на, и Свята́го Ду́ха во ве́ки веко́в. Ами́нь.

Молитва перед Тихвинской иконой Божией Матери

Благодари́м Тя, о Преблага́я и Пречи́стая, Преблагослове́нная Де́во, Влады́чице, Ма́ти Христа́ Бо́га на́шего, о всех благодея́ниих Твои́х, я́же показа́ла еси́ ро́ду челове́ческому, наипа́че же нам, христоимени́тым лю́дем Росси́йскаго наро́да, о ни́хже ниже́ са́мый а́нгельский язык к похва́лению дово́лен бу́дет, я́коже и ны́не удиви́ла еси неизрече́нную Свою́ ми́лость на нас, недосто́йных рабе́х Твои́х, преесте́ственным самоприше́ствием Пречи́стыя Твоея́ ико́ны, е́юже всю просвети́ла еси Росси́йскую страну́. Те́мже и мы, гре́шнии, со стра́хом и ра́достию покланя́ющеся, вопие́м Ти: о Пресвята́я Де́во, Цари́це и Богоро́дице, спаси́ и поми́луй Святе́йшаго Патриа́рха Моско́вского и всея́ ́Руси́ Кирилла, архиере́и же и вся лю́ди, и пода́ждь им побе́ды на вся враги́ их, и сохрани́ вся гра́ды и стра́ны христиа́нския, и сей святы́й храм от вся́каго наве́та вра́жия изба́ви, и всем вся на по́льзу даруй, ны́не при́шедшим с ве́рою и моля́щимся рабо́м Твои́м, и поклоня́ющимся Пресвято́му образу Твоему, я́ко благослове́нна еси с ро́ждшимся от Тебе́ Сы́ном и Бо́гом, ны́не и при́сно и во ве́ки веко́в. Ами́нь.

Молитва перед иконой Божией Матери «Одигитрия», Смоленская

К кому́ возопию́, Влады́чице? К кому́ прибе́гну в го́рести мое́й, а́ще не к Тебе́, Госпоже́ Влады́чице Богоро́дице, Цари́це Небе́сная? Кто плач мой и воздыха́ние мое прии́мет, аще не Ты, о Пренепоро́чная, Наде́ждо христиа́н и Прибе́жище гре́шным? Приклони́, о Пречи́стая Влады́чице, ушеса́ Твоя́ к моле́нию моему́, Ма́ти Бо́га моего́, не пре́зри мя, тре́бующа Твоея́ по́мощи, услы́ши стена́ние мое и вопль се́рдца моего́ внуши́, о Госпоже́ Богоро́дице Цари́це. И пода́ждь ми ра́дость душе́вную, подкрепи́ мя нетерпели́ваго, уны́лаго и неради́ваго к Твоему́ хвале́нию. Вразуми́ и научи́ мя, ка́ко Тебе́ моли́тися подоба́ет, и не отступи́ от мене́, Ма́ти Бо́га моего́, за ропта́ние и нетерпе́ние мое́, но бу́ди ми покро́в и заступле́ние в жи́зни мое́й и приведи́ мя к ти́хому приста́нищу блаже́ннаго о́наго поко́я, и сопричти́ мя к ли́ку избра́ннаго Твоего́ ста́да и та́мо удосто́й мя воспева́ти и сла́вити Тя во ве́ки веко́в. Ами́нь.

Источник

См.также:

Просмотров (414)

Храм святителя Николая, архиепископа Мир Ликийских, чудотворца, г.Советский ХМАО-Югра Тюменская обл.

наш приходской сайт