I. Св. Ирина, в язычестве Пенелопа, ныне воспоминаемая в церковных песнопениях и чтениях, была крещена в ранней молодости учеником св. апостола Павла – апостолом Тимофеем († 93 г.). Об обстоятельствах ее обращения в веру Христову, из повествования об ее жизни св. Димитрия Ростовскаго, известно следующее. Воспитанная в загородном дворце, вдали от развлечений городской жизни, под руководством почтенной наставницы и старца Апелиана, о котором отец Ирины, язычник, не знал, что он исповедует христианскую веру, Пенелопа возросла во всех добродетелях, свойственных истинным христианам, и таким образом почва души ее была совершенно подготовлена для воспринятия «семени благаго». Пришла пора, и свет Христов просиял в душе, воспитавшейся под влиянием христианским. Внешним поводом к тому послужило такое знаменательное, случившееся по устроению Божию, событие: однажды, в ту комнату, где находилась Пенелопа с своею наставницею, влетел голубь и опустил на стол масличную ветку… Вслед за этим влетел орел, из клюва которого упал перед Пенелопою венок из цветов наконец в другое окно влетел ворон и выпустил из клюва своего небольшую змею. Удивлялись такому необычайному явлению Пенелопа и ее наставница, и когда пришел к ним Апелиан, то они рассказали ему о случившемся. Старец, по некотором размышлении, сказал, обращаясь к Пенелопе: «голубь означает кротость твою и чистоту; масляничный сучок выражает благодать Божию, которая сообщится тебе святым крещением… Царственная птица – орел знаменует, что ты будешь царствовать над страстями своими и возвысишься над всем земным стремлением твоим к Богу; венец из цветов означает воздаяние, которым увенчает Господь твои подвиги… Ворон же со змеею изображает злую силу, врага, который будет стараться отвратить тебя от добра, уязвляя и искушая скорбями и гонениями… Но ты мужайся! Знай, что Господь подкрепит тебя и ты устоишь непоколебимо в скорбях за Христа, Царя Небеснаго…».
– Кто же этот Христос, Царь небесный? – стала с любопытством разспрашивать старца родившаяся в язычестве; и по мере того, как Апелиан рассказывал ей впервые о Христе, сердце Ирины воспламенялось любовию к Спасителю рода человеческаго, и она ненасытимо желала узнавать о Нем все более и более…
В это время проповедывал Св. Евангелие в той местности, родине св. Ирины – Иллирике, апостол Тимофей, ученик св. апостола Павла. Он преподал крещение и чудно познавшей Христа Пенелопе, дал ей имя Ирины, что значит «мир», наставил ее в учении христианском, предрек ей страдания за имя Христово и воодушевил ее твердо стоять на спасительном пути, на котором постановил ее Господь. И таким образом, принявшая святую истину из уст апостола, Ирина сделалась верною последовательницею божественного учения и насадила его в Сербии и других местах, обратив ко Христу своих родителей и многия тысячи языческого народа – то страданиями, которым ее неоднократно подвергали гонители веры Христовой, – страданиями, сопровождавшимися безчисленными знамениями и чудесами; то проповедью, когда она обходила многие города фракийские, поучая жителей истинам евангелия и силою Божиею творя многия чудеса.
Почувствовав приближение смерти (когда она находилась в г. Ефесе), св. Ирина встретила здесь Апелиана; взяв с собою его и еще нескольких благочестивых мужей, ушла с ними за город; там, войдя в одну пещеру, она попросила своих спутников заградить после своей кончины вход в пещеру камнем и предала свою душу Богу. Это было в царствование Домициана или Траяна (81–117).
II. Жизнь св. великомученицы Ирины предлагает нам следующие уроки для нашего духовно-нравственного назидания.
а) Во-первых, она учит, что христианские родители должны избирать благочестивого наставника для детей. Только благодаря благочестивому наставнику – старцу Апелиану – почва души Ирины была совершенно приготовлена для восприятия «семени благаго»,т.е.. принятия веры Христовой. Между тем, как мало заботятся иные родители о том, чтобы найти для своих детей истинно благочестивых наставников! Большинство родителей очень мало помышляют о том, кому они вверяют своих детей. Они вполне заслуживают выслушать те укоры, которыми некогда упрекал своих современников св. Иоанн Златоуст. «Ныне, говорит» он, больше пекутся о конях, нежели о детях, ибо, избирая возницу, рачительно смотрят: не глуп ли он, не пьяница ли, не вор ли? А когда нужен руководитель их детям, – принимают, кто встретится, и отнюдь не примечают: нет ли в нем безбожного головокружения, не заразит ли он юную душу духовным пьянством, не украдет ли у детей обеты, данные Богу при святом крещениии право на вечное блаженство?» (Бес. LХ на Иоанна). Так сколько бы родители сами ни были благочестивы, и сколько бы ни старались освятить сердца детей своих в их младенчестве; но если потом предоставят их руководству нечестивого учителя, – соблазн и погибель неминуемы. Юлиан от родителей получил хорошее воспитание; но привязавшись потом к языческим учителям, до того был ими развращен, что не только сделался идолопоклонником, но и опаснейшим врагом христианства. (Созом. кн. 3, «Феодорит. кн. 3 гл. 2).
б) Второй урок, который мы извлекаем из жизни св. великомученицы Ирины, состоит в том, что мы должны веровать в постоянное попечение о нас премудраго и всеблагаго промысла Божия. Не случайно, но по распоряжению промысла Божия влетели в горницу Ирины голубь, орел и ворон и опустили на стол маслячную ветку, венок из цветов и змею. Все это должно было убедить Ирину принять христианство и жить согласно правилам св. веры.
в) Наконец, жизнь св. великомученицы Ирины, посвященная на распространение христианской веры между язычниками, учит и нас, по мере наших сил, содействовать проповедникам истинного христианского учения молитвою за них, любовию к ним и пожертвованиями на дела благовествования, – кроме того помогать людям возставать от своих нравственных падений пробуждением у них чувства сознания своего опасного нравственного состояния. (Свящ. Г. Дьяченко).
Молитвы
Тропарь великомученице Ирине Македонской, глас 4
А́гница Твоя́, Иису́се, Ири́на,/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́, и умира́ю за Тя,/ да и живу́ с Тобо́ю,/ но я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,// я́ко Ми́лостив, спаси́ ду́ши на́ша.
Кондак великомученице Ирине Македонской, глас 4
Де́вства добро́тами преиспещре́нна, де́во,/ страда́льчеством была́ еси́ красне́йшая, Ири́но,/ кровьми́ твои́ми исте́кшими обагре́на,/ пре́лесть же низложи́вшая безбо́жия.// Сего́ ра́ди и прия́ла еси́ по́чести побе́ды руко́ю Созда́теля твоего́.
Молитва великомученице Ирине Македонской
О, многострада́льная и пресла́вная Ири́но, неве́сто Христо́ва всехва́льная, уго́днице Бо́жия! Ты предстои́ши у Престо́ла Пресвяты́я Тро́ицы и наслажда́ешися неизрече́ннаго блаже́нства. При́зри у́бо ми́лостивно на нас, принося́щих ти хвале́бное пе́ние сие́, испроси́ нам ми́лость, отпуще́ние грехо́в у Преблага́го Го́спода, ве́мы бо, вои́стинну ве́мы, я́ко вся, ели́ко восхо́щеши, испроси́ти у Него́ мо́жеши. Те́мже у́бо смире́нно припа́даем к тебе́ и про́сим: уми́лостиви Влады́ку Не́ба и земли́, да пода́ст нам дух твоея́ ре́вности ко хране́нию святы́х Его́ за́поведей, я́ко да возмо́жем земно́е по́прище в доброде́тельном житии́ проводи́ти, ра́йских селе́ний унасле́довати и та́мо с тобо́ю и все́ми святы́ми прославля́ти Отца́ и Сы́на и Свята́го Ду́ха во ве́ки веко́в. Ами́нь.
Акафист святой великомученице Ирине
Кондак 1
Избранной Богом от идолослужительнаго рода на просвещение языков, богомудрей и преславней невесте Христовой Ирине, благодарственное и хвалебное пение воспоем ти молитвенницы твои, святая и многострадальная великомученице Ирино. Ты же, имущи дерзновение ко Господу, от всяких нас бед и скорбей свободи, да зовем ти:
Радуйся, Ирино, невеста Христова преславная.
Икос 1
Ангельскую честную и вселюбезную чистоту, святая мученице Ирино непорочно сохранила еси, со Ангелы купно сподобилася еси Богу трисвятую песнь воспевати на небеси, услыши нас, тебе верно поющих на земли:
Радуйся, отроковице, Богом Отцем предуставленная быти сообразна в страдании образу Сына Его; радуйся, Сыном Божиим из тьмы в благодатный свет призванная.
Радуйся, яко приимше Духа Святаго в отрочестве идолослужение отринула еси; радуйся, земнаго обручника паче Небеснаго знати не восхотела еси.
Радуйся, убелившая ризы твоя в крови Агнчей на земли; радуйся, в Небеснем Чертозе со Христом царствуеши на Небеси;
Радуйся, Ирино, невесто Христова преславная.
Кондак 2
Видяще, святая мученице Ирино себе на величественнем столпе от Отца поставлену, помышляше себе, о Промысле Божием разумевая, о творчестем создании небеси и земли и бездушных идолех, умне восходяще от тьмы ко свету, от идолослужения к истинному Богу, Емуже вернии воспевают: Аллилуиа.
Икос 2
Божией Премудрости вместилище ты была еси, непорочная отроковице, измлада от любви к миру и вся, яже в мире, отвергшаяся. Всею душею Твоею Христа Жениха возлюбила еси, Емуже равноапостольно послужила еси, среди неверных проповедуя им Истиннаго Бога. Сего ради таковому твоему разуму дивяся, глаголем:
Радуйся, премудрая Евангельская Дево, правой веры и дел благих исполненная; радуйся, паче мудрецов мира сего разумнейшая.
Радуйся, о проповедании веры благоглаголивыя уста апостольския; радуйся, христианских дев украшение.
Радуйся, оружием Креста Христова демоны отгоняющая; радуйся, верная ко Господу о нашем спасении молитвеннице.
Радуйся, Ирино, невесто Христова преславная.
Кондак 3
Сила Божия дадеся тебе, святая великомученице Ирино, во святем Крещении, егда пресвитер Тимофей, просветив тя, даде тебе послание святых апостолов, сим призывая тя на великое апостольское служение. Ты же, исполнившись Духа Премудрости, пред лицем царя, отца твоего Ликиния, все златые идолы безбоязненно сокрушила еси и яко раба Господня едину православную веру в Бога Отца и Сына и Святаго Духа исповедала еси, зовуще Ему: Аллилуиа.
Икос 3
Имущи, святая Ирино, свыше данную тебе премудрость и силу, егда многажды понукаема от Ликиния, отца твоего, поклонитися идолом, именуя тя Пенелопиею, но ты рекла ему: «Не извращай моего имене, Ирина аз есмь, нареченная Ангелом в видении, и тако наименовася во святем Крещении. Не поклонюся бесам, имже вы поклоняетесь, аз Единому Богу, Создателю моему, поклоняюся и яко Жениха моего люблю». За такое убо дерзновение приими от нас похвалу сию:
Радуйся, столпе веры, утверждение Христианскаго жития; радуйся, детище, Богом просвещенное во святем Крещении.
Радуйся, орлице Царя Небеснаго, Богом дарованная на просвящение языков; радуйся, в стране царствования Отца Твоего идольскаго служения искоренительнице.
Радуйся, яко подвиг твой многострадальный предвозвестили голубь, кокош и вран, принесши ти маслину, венец и змия; радуйся, яко предрек тебе Апелиан учитель: маслина — твое добронравие, венец — венец славы, а змии — враг, гласит страдания.
Радуйся, Ирино, невесто Христова, преславная.
Кондак 4
Бури тяжких искушений воздвигл на тя враг души спасения, егда отец казнить приказал тя, поврещи свирепым коням на глумление и удов раздробление. Но егда ты помолишася, свирепейший конь, отрешившись, оторваша Ликинию руку и топташа его. Тебя же человеческим гласом славною мученицею нарекл есть. Ты же была невредима, воскресила отца своего во имя Христа Сына Божия. Он же со множеством народа уверовавше, восхвалил Бога: Аллилуиа.
Икос 4
Слышав от тебе злочестивый царь Седекия словеса разумна о вере Христовой, распылашася на тя злобою; паче же егда рекла ему: «Не сяду с сонмом суетным и с законопреступниками не вниду, готова аз на всякия пытки и не пощажу плоти моея за Христа, Господа моего». И вверже тя в глубину рва, идеже гады ядовиты. И тамо пребыша десять дний невредимо со Ангелом, хранящим тя. Видящи вси сия тобою чудодеемая, взываше:
Радуйся, младая страстотерпице, за мужественное исповедание веры много пострадавшая; радуйся, агнице кроткая, идольския суетныя лести обличительнице.
Радуйся, яко тобою посрамися лукавый враг, видя себе побежденным; радуйся, о тебе бо радуется вся небесныя силы, видя побеждающу лютых мучителей.
Радуйся, твоими подвигами многи богохульники правители к Богу приведшая; радуйся, многострадальная дщи немилостиваго царя Ликиния.
Радуйся, Ирино, невесто Христова преславная.
Кондак 5
Богосветлой звезде подобна была еси, великомученице Ирино, множество племен и языков ко спасению приведшая. Три идолоязыческия страны со епархами и клевретами просветила еси. Тяжкия страдания от мучителей Седекия и Саваха претерпела еси, трижды железною пилою перепиливаема и на мельничном колесе была раздробляема. О великомученице! Твоих страданий небесная стихия, гром и молния, не стерпеша и нечестивыя поразиша. Люди же увероваше, со трепетом Бога прославляя и поя Ему: Аллилуиа.
Икос 5
Видевше царь Савах, яко сила Божия, в тебе чудодействуемая, поборяет и посрамляет его безумныя веления, ополчив сто тысящь воинов на Магеддон, град, идеже ты молилася Господу о поражении слепотою грядущих и по ослеплении их паки умолила Всевышняго даровати им зрение. Сия радости мы исполненны, глаголем тебе сице:
Радуйся, святая Ирино, тобою бо свет Христов возсия в странах языческих; радуйся, богопротивных царей и воинов дивное вразумление.
Радуйся, града Магеддона преславное защищение; радуйся, веры православныя исповедание и света Евангельскаго сияние.
Радуйся, закона Божия верная хранительнице; радуйся, многострадальная Богоневесто, от лютаго Седекия многажды палимая.
Радуйся, Ирино, невесто Христова преславная.
Кондак 6
Проповедником Богоносным апостолом поревновала еси, пред мучителеми безбоязненно Христа Бога проповедовала еси, Егоже ради тяжкия раны, узы и темницу претерпела еси; во огни на костре в медных пещех палима была еси, но сохранил тя Ангел Господень во славу Божию, и мы взываем Богу Всемогущему: Аллилуиа.
Икос 6
Возсиял есть в сердцы твоем свет богоразумия, свет Господа Иисуса Христа. Той, яко Жених твой возлюбленный, укрепляше тя страдающу сопричастницу Его страданий, егда вонзили тебе в пяты острые гвозди и обуздавши яко осля, пять поприщ насильно ведоша тя, ты же в страшнем страдании своем моляся Богу, тысящи народа просветила, беззаконных же мучителей разверзшаяся земля поглотила есть, мы же вопием ти:
Радуйся, Ирино, рабе Господня и молитвеннице наша; радуйся, голубице кроткая, язвы ради Господа носившая.
Радуйся, от гвоздичных, кровию истекающих ран, Ангелом исцеленная; радуйся, яко тебе Господь даровал силу и мудрость побеждати противостоящих истине.
Радуйся, яко тобою от многих ран и болезней кающийся исцеляются; радуйся, яко твоею молитвою бесы прогоняются и прокаженнии очищаются.
Радуйся, Ирино, невесто Христова преславная.
Кондак 7
Восхотев безумный мучитель тя, святая Ирино, ко идолослужению преклонити, увещевая тя пожрети идолом жертву, ты же, Крестом оградившись, воскликнула: «Аз приношу жертву Богу Всевышнему, Иже обладает жизнию и смертию всех людий. Вразумись же, царю, прельщенный сатаною!» Осверепевший мучитель, скрежеща зубами, приказал в медных пещех трикраты палити тя, но Ангел Господень, пламень остудив, сохранил тя невредно на славу славящим Бога песнью: Аллилуиа.
Икос 7
Новую показа ярость безчеловечия злобный Вавадон, егда тебя, святая мученице Ирино, повелев, железными цепями привязану к раскаленней решотце, поливать на тя масло и смолу. Ты же, Божия страдалице, бе в пламени горяща, со Ангелом отрешившим от решотцы и охлаждающим тя, Бога славила. Изумившись мучитель таковому чуду, пал к стопам твоим, прося прощения и святых молитв за всю страну, обратившуюся ко Господу. Мы же с любовию взываем к тебе:
Радуйся, многострадальная мученице, за Христову Церковь много претерпевшая; радуйся, святая девице, Христа ради в пещех и на кострех палимая.
Радуйся, за спасение людей на раскаленней решотце жегомая; радуйся, великая страстотерпице, Христа ради тяжко мучимая.
Радуйся, яко твоими страданиями мног народ к признанию Бога истиннаго привела еси; радуйся, врагов Церкви победительнице и в бедах наших скорая помощнице.
Радуйся, Ирино, невесто Христова преславная.
Кондак 8
Странные и страшные страдания святой мученицы видевше, вернии удивишася, како младая отроковица, суще в юном телеси, мужественно за Христа муки претерпевает, да и мы исполнишеся умиления, благодарно возопиим Богу: Аллилуиа.
Икос 8
Весь сладчайший Иисус сладость тебе бысть, мученице Ирино, ты же горькия муки и тяжкия истязания за Христа и спасение людий от седми мучителий претерпела еси, и яко агница от нечестиваго Савария мечем усечена и погребена была еси, и после же из мертвых возстала с райскою ветвию в руках, и в Месемврии к царю явилася на вразумление и посрамление богохульников. Со страхом к твоим ногам пал царь-убийца, взывая: «Велик Бог Христианский» Просвети и нас, святая Ирино, да зовем ти:
Радуйся, святая равноапостольная Ирино, просветительница стран языческих; радуйся, реко исполненая благодати Божией.
Радуйся, боговозлюбленная ластовице, из небожителей возванная на спасение богохульных и отверженных; радуйся, преславная мученице, многая богопротивныя просветившая.
Радуйся, яко силою Божиею демонстии коварства упразднила еси; радуйся, блаженная страстотерпице, райскую ветвь от Христа приимшая.
Радуйся, Ирино, невесто Христова преславная.
Кондак 9
Вся небесныя силы возрадовася, восхваляя Бога, даровавшаго тебе таковое мужество и непоколебимую твердость побеждати во брани душепагубных аспидов. Ты бо, укрепляемая силою Божиею, в тысящах языки просвещая, радовалася воспевая Богу: Аллилуиа.
Икос 9
Ветии многовещании риторскими своими языки не возмогут изрещи твоих болезненных страданий и мученических подвигов, яже за Христа претерпела еси. Кто может исчести твоя безчисленная страдания, кия содрагают нас, поющих тебе:
Радуйся, чудодейственное зрелище Ангелом, и человеком; радуйся, яко твоим терпением мучителей удивила еси.
Радуйся, кровь свою за Христа Жениха твоего источила еси; радуйся, учеников похвало и верных радование.
Радуйся, лозо плодовитая сада Иисусова; радуйся, доброплодная ветвь винограда Христова.
Радуйся, Ирино, невесто Христова преславная.
Кондак 10
Спасти восхотевши души, во тьме идолослужения погибающия, боголюбивая мученице Ирино, ты, ревнуя о Господе, якоже Илиа, силою Божиею идолы сокрушала, бесы прогоняла, мучителей обличала и посрамляла. Богу же победную песнь непрестанно воспевала: Аллилуиа.
Икос 10
Стена еси крепка и непоколебима во исповедании православныя веры пребыла еси; не пощадила ты сладкоцветущей юности твоея, презрела еси вся царская достояния отца своего. Возжелала чрез мученическую смерть уневеститися Христу и с Ним быти в Ангельстем ликостоянии. Мы же, поминающе твоя подвиги и страдания, ублажаем тя сице:
Радуйся, течение мученическаго пути добре скончавшая; радуйся, житием твоим равноапостольстим Господу послужившая.
Радуйся, силою свыше на брань с сопротивными препоясанная; радуйся, верным христианом крепкое заступление.
Радуйся, безпомощным заступнице, сирот покровительнице; радуйся, мучеников радование, девственников славо.
Радуйся, Ирино, невеста Христова преславная.
Кондак 11
Пение наше хвалебное по достоянию воспевати недоумевает ум наш, святая мученице Ирино, ты бо подражала еси распятому Агнцу — Христу. Положила еси душу свою за други своя, ибо больше сия любве никтоже имать. Обаче мы, вси благодарни суще, поем Богу: Аллилуиа.
Икос 11
Светозарный светильник истиннаго света сущим на земли ты являешися, богоизбранная отроковице, просвещаеши сердца верных, исцеляеши недужных и прокаженных, притекающих к тебе с любовию, разслабленным и слепорожденным здравие подаеши, благодарящим тя тако:
Радуйся, о спасении грешных сильная ходатаице; радуйся, обидимых заступнице, злочестивых поборающая.
Радуйся, сосуде благ небесных; радуйся, златая кадильнице, фимиам молитвы о нас Богу приносящая.
Радуйся, сокровище даров Божиих неиждиваемое; радуйся, яко тебе Господь Царство свое даровал есть.
Радуйся, Ирино, невеста Христова преславная.
Кондак 12
Благодать тебе дана, яко апостолом, слово Божие грешному миру вещати, омраченныя от идолослужения отвращати и всем в подвизех земных помогати. О достославная раба Господня, много потрудившаяся за род христианский, молися за нас ко Всемилостивому Богу, Спасителю нашему, да сподобит и нас в сем и в будущем веце Бога в Троице прославляти: Аллилуиа.
Икос 12
Воспеваем твоя славная подвиги, почитаем страдания твоя, хвалим долготерпение, ублажаем святую твою кончину, славим твое в немощнем теле непобедимое мужество, имже попрала еси вся мудрования мира сего. В память твоих подвигов и страданий приими от нас хвалебное пение:
Радуйся, от девственных ликов в чертог небесный введенная; радуйся, от мученических полков под венец славы во гласе радования провождаемая.
Радуйся, от небожителей досточудное о Господе приемшая целование; радуйся, яко награда твоя радость вечная во светлости святых.
Радуйся, яко тобою от нечаянныя смерти уповаем сохранитися; радуйся, твоим заступлением Царствия Божия чаем сподобитися.
Радуйся, Ирино, невесто Христова преславная.
Кондак 13
О преславная и всехвальная святая великомученице Ирино! Приими от нас сие малое хвалебное пение и не престани молитися о нас ко Господу Богу, да избавит нас от враг видимых и невидимых и твоим заступлением сподобит нас вечнаго Царствия, идеже вкупе с тобою и всеми святыми чаем воспевати Богу: Аллилуиа.
(Этот кондак читается трижды, затем икос 1 и кондак 1)
Молитва великомученице Ирине
О многострадальная и преславная Ирино, невесто Христова всехвальная, угоднице Божия! Ты предстоиши у Престола Пресвятыя Троицы и наслаждаешися неизреченнаго блаженства. Призри убо милостивно на нас, приносящих ти хвалебное пение сие, испроси нам милость, отпущение грехов у Преблагаго Господа, вемы бо, воистинну вемы, яко вся, елико восхощеши, испросити у Него можеши. Темже убо смиренно припадаем к тебе и просим: умилостиви Владыку неба и земли, да подаст нам дух твоея ревности ко хранению святых Его заповедей, яко да возможем земное поприще в добродетельном житии проводити, райских селений унаследовати и тамо с тобою и всеми святыми прославляти Отца и Сына и Святаго Духа во веки веков. Аминь.
Просмотров (404)