1 июля Церковь чтит одну из самых древних икон Божией Матери на Руси –Боголюбскую. Естественно, она связана с именем князя Андрея, внуком Владимира Мономаха и сыном Юрия Долгорукого, который был назван Боголюбским за постоянно присущее ему глубокое молитвенное внимание и прилежание к церковным службам.
Ныне насчитывается немногим более трех десятков доподлинно «домонгольских», то есть написанных еще до Батыева нашествия, русских икон. Среди них и несколько образов Богородицы, в том числе «Великая Панагия» из Ярославля, иконы «Знамение» Новгородская, «Умиление» Белозерская. К ним принадлежит и чудотворная икона Богородицы «Боголюбская», исполненная утонченнейшей пластики и удивительной одухотворенности.
Вот о ней сегодня я и хочу рассказать. О ней и немного о замечательном князе Андрее, благодаря которому эта икона появилась на Руси.
***
Боголюбская икона — одна из самых древних и почитаемых на Руси. Ее приписывали кисти апостола Луки и почитали чудотворной. Однако у иконы непростая судьба, хотя, казалось бы, она не покидала пределы Владимира. Она появилась в княжение Андрея Боголюбского, и князь повелел поставить ее в соборе в честь Рождества Богородицы Боголюбского монастыря.
Еще в 1155 году святой благоверный князь Андрей Боголюбский покинул Киевский Вышгород, чтобы перенести в свой удел и утвердить великокняжеский престол на Суздальских землях.
Уезжая в дальнюю дорогу, взял он с собою и чудотворный образ Царицы Небесной. Когда князь подъехал к Владимиру на расстояние семи верст, кони, везшие повозку с чудотворной иконой, замерли как вкопанные. Благочестивый князь узрел в этом знамение и дал обет устроить на том месте обитель во имя Пречистой.
Помолившись, он был удостоен видения Богородицы, в правой руке державшей свиток, а левую простершей к Сыну Своему.
Отсюда одни связывают наименование иконы с именем князя, другие – с названием монастыря. Примечательно, что целых девять лет князь пребывал при княжьем дворе, в церкви Рождества Богородицы в Боголюбове, рядом с другой великой чудотворной иконой, впоследствии названной Владимирской, пока ту не перенесли в Успенский собор града Владимира.
Князь Андрей часто уединялся здесь для молитвы; тут он и принял в 1174 году мученическую кончину от рук своих же подданных – бояр Кучковичей. «Тверская летопись» сообщает, что святой Андрей был убит по наущению его жены, участвовавшей в заговоре. Во главе заговора стояли ее братья, Кучковичи. Толпа убийц, двадцать человек, пробралась к дворцу, перебила малочисленную охрану и вломилась в опочивальню безоружного князя. Меч святого Бориса, постоянно висевший над его постелью, был предательски похищен в ту ночь ключником Анбалом. Князь успел повергнуть на пол первого из нападавших, которого сообщники тут же по ошибке пронзили мечами. Но вскоре они поняли свою ошибку. Копьем был пробит сбоку лоб святого князя, все остальные удары трусливые убийцы наносили сзади. Когда князь наконец упал, они опрометью бросились вон из опочивальни, захватив убитого сообщника.
Но святой еще был жив. Последним усилием он спустился по дворцовой лестнице, надеясь позвать стражу. Но стенания его были услышаны убийцами, и они повернули обратно. Князь сумел укрыться в нише под лестницей и разминуться с ними. Заговорщики вбежали в опочивальню и не нашли там князя. «Погибель нам предстоит, ибо князь жив», – в ужасе вскричали убийцы. Но кругом было тихо, никто не пришел на помощь святому страдальцу. Тогда злодеи вновь осмелели, зажгли свечи и по кровавому следу пошли искать свою жертву. Молитва была на устах святого Андрея, когда его вновь обступили убийцы.
Заговор жены с боярами часто именуют «Иудиным соглашением». Слишком оно похоже на новозаветное кровавое деяние. Но вернемся к иконе и ее судьбе на нашей многострадальной российской земле.
После разрушения монастыря в XVIII веке Боголюбскую икону поместили в соборе с престолом того же посвящения, возведенном в 1751–1756 годах на месте древнего. Во II половине XIX века чудотворный образ перенесли в новый монастырский собор, названный уже в ее честь. После закрытия обители в 20-х годах XX века икона обрела новое место — в приходской церкви во имя святых Иоакима и Анны в Боголюбове, а позже ее перенесли в Успенский собор Владимира.
Половцы и татары не раз разоряли эту обитель, но Пречистая всегда оставалась верной Защитницей принятого Ею под Свой Материнский покров монастыря, и слава его и внешнее благосостояние век от века росли.
В XV веке великий князь Василий Темный (который был ослеплен, за что и получил свое прозвище) повелел поставить список с чудотворной иконы в дворцовую Сретенскую церковь Московского Кремля. А богомольный царь Федор Алексеевич в 1680 году украсил первый образ Боголюбской золотым крестом.
В 1946 году Боголюбская икона была изъята из собора и поступила во Владимирский областной краеведческий музей, где находилась вплоть до 1992 года, когда снова была передана Церкви и была поставлена в Успенском соборе Владимирского Княгинина Успенского монастыря. Но и на этом не закончилась ее история.
В 2009 году при очередном реставрационном обследовании иконы ее состояние было найдено катастрофическим, и икону снова перенесли во Владимирский музей. В результате многолетней работы реставраторам удалось спасти святыню домонгольского периода и раскрыть первоначальный замысел иконописца. В марте 2016 года за эту работу генеральный директор Центра им. И.Э. Грабаря Александр Лесовой и реставратор Александр Горматюк получили премию газеты «The Art Newspaper Russia».
***
Боголюбская принадлежит к иконографическому типу Агиосоритиссы, широко распространенному в византийском искусстве.
«Некоторые исследователи считали, что на иконе первоначально присутствовало изображение князя Андрея Боголюбского в коленопреклоненной позе у ног Богородицы»
Богоматерь представлена в рост, с молитвенно воздетыми руками, Ее фигура обращена вправо, взор направлен вверх к благословляющему Иисусу Христу, изображенному в небесном сегменте. Над образом Девы Марии изображены иконы, сопутствовавшие великому князю в его путешествии – Иисуса Христа, Владимирской иконы, Архангелов Михаила и Гавриила и Иоанна Предтечи. В этой иконе выражен ходатайственный и заступнический образ Божьей Матери.
Некоторые исследователи считали, что на иконе было первоначально изображение князя Андрея Боголюбского в коленопреклоненной позе у ног Богородицы. Действительно, такие изображения также были распространены в византийском искусстве. Но доказать, что фигура коленопреклоненного князя действительно была на иконе, совершенно невозможно из-за плохой сохранности красочного слоя, особенно в нижней части доски.
В 1820 году жители Владимира украсили Боголюбскую икону сплошным серебряным окладом, который во второй половине XIX века был дополнен чеканным изображением Боголюбского монастыря в правом нижнем углу. А на свитке в руках Богоматери был выбит текст: «Владыко многомилостиве, Сыне и Боже Мой, молю Тя, да пребудет Божественная благодать на людех Твоих и светозарный луч славы Твоея да нисходит выну на место, Мною избранное».
Боголюбская икона, на которой представлен образ заступничества Богоматери, впоследствии вдохновила древнерусских иконописцев на создание икон, в которых у ног Божьей Матери изображали и соловецких святых, и московских государей, и простых людей.Общецерковное почитание Боголюбской иконы было установлено в последней трети XVII века. Это связано с особым почитанием Нарышкиными Андрея Боголюбского.
Известно, что в 1672 году крещение царевича Петра Алексеевича было специально приурочено ко дню памяти апостолов Петра и Павла, в канун праздника которых был убит князь Андрей Боголюбский. В день святых Петра и Павла царевич был крещён в Чудовом монастыре и получил имя Петр.
В 1682 году до дня празднования Боголюбской иконы были отложены похороны Ивана и Андрея Нарышкиных, убитых во время стрелецкого восстания братьев царицы Наталии Кирилловны, а через несколько лет над местом их погребения в московском Высокопетровском монастыре выстроена церковь в честь Боголюбской иконы, первый храм в Москве с таким посвящением.
Образ Божией Матери Боголюбской прославлен неисчислимыми чудотворениями, на протяжении многих веков являя благодатную помощь верующему русскому народу. Слава о чудесах и знамениях, совершенных от иконы, побуждала верующих людей во многих местах России обращаться к написанию копий с чтимого образа, которые со временем получили широкое распространение и восприняли благодатную силу чудотворений.
Из московских списков наиболее чтимым был образ над Варварскими воротами Китай-города. На нем помимо Пречистой изображены молящиеся святители и блаженные Московские, и сам этот особый извод, в XVII столетии известный как «Моление о народе», был святыней собственно московской, охранявшей жителей белокаменной столицы.
Ко дню празднования Боголюбской иконы перед этим образом служили торжественный молебен, после чего икона спускалась со своего обычного места вниз и на три дня ставилась в специальной шатровой часовне-«палатке». На это время езда через Варварские ворота прекращалась – вся площадь заполнялась богомольцами, желавшими приложиться к чудотворной. Именно здесь в 1771 году зародился знаменитый «Чумной бунт» – после того, как архиепископ Московский Амвросий (Зертис-Каменский) запретил страждущим москвичам искать у Боголюбской исцеления от чумы.
В народе, который весьма почитает этот образ Пресвятой Богородицы как чудотворный, принято также еще одно наименование — «Боголюбивая».
Богородица всегда выступает перед молящими как посредница между ним и Господом. Молитва Боголюбской иконе Божией Матери часто содержит прошения о спасении человека от болезней и стихийных бедствий, национальных распрей и клеветы против народа, от пожаров в лесах и на полях, от голода и нищеты, от смертоносных эпидемий, от наводнений, морозов и засух, от нападения агрессоров из других государств и от разрушающих внутригосударственных распрей. Кроме того, путешественники просят у иконы благополучия в пути, а матери просят о здоровье своих детей, находящихся в чужой стране.
Иконе Божией Матери «Боголюбская»
Тропарь, глас 1
Боголюбивая Царице, / Неискусомужная Дево, Богородице Марие, / моли за ны Тебе Возлюбившаго / и рождшагося от Тебе Сына Твоего, Христа Бога нашего, / подати нам оставление прегрешений, / мирови мир, земли плодов изобилие, / пастырем святыню / и всему человечу роду спасение. / Грады наша и страны Российския от нахождения иноплеменных заступи / и от междоусобныя брани сохрани. / О Мати Боголюбивая Дево! / О Царице Всепетая! / Ризою Своею покрый нас от всякаго зла, / от видимых и невидимых враг защити / и спаси души наша.
Иной тропарь, глас 1
Всепетая и Всеславная Царице Богородице, / Мати всея твари Содетеля, / христианская Надеждо и Заступнице, / печальных Утешение, ненадеющихся и отчаявшихся скорое надеяние, / молим Тя: милостива буди нам, грешным, / и не остави раб Своих, / и не отрини моления верных, / в скорбех и бедах пред честным образом Твоим избавления требующих. / О Владычице, Благая Помощнице! / Ризою Твоею честною нас защити и от всех зол избави, / молящи Сына Твоего, Христа Бога нашего, / да спасет души наша, яко Милосерд.
Кондак, глас 3
Дева днесь предстоит Сыну, / руце Свои к Нему простирающи, / святый князь Андрей радуется, / и с ним Российская страна торжествует, / нас бо ради молит Богородица / Превечнаго Бога.
Величание
Величаем Тя, / Пресвятая Дево, / и чтим образ Твой святый, / егоже благоверный князь Андрей даде нам на враги в победу / и всем верным во спасение.
КАНОН ПРЕСВЯТОЙ БОГОРОДИЦЕ ПРЕД ИКОНОЙ «БОГОЛЮБСКАЯ»
Песнь 1Глас 4
Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.
КАНОН ПРЕСВЯТОЙ БОГОРОДИЦЕ ПРЕД ИКОНОЙ «БОГОЛЮБСКАЯ» (2-Й)
Песнь 1Глас 4
Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.
АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ «БОГОЛЮБСКАЯ»
Кондак 1
Взбранной Воеводе, Боголюбивей Царице, превысшей всякаго создания, Деве и Матери Христа Бога, похвальная восписуем Ти раби Твои, Богородице! Ты же, яко Боголюбивая и Всемилостивая Мати, благоизволившая явити пресветлый Свой лик благоверному нашему князю Андрею, от бед и скорбей сохрани ны и храм сей, да зовем Ти:
Радуйся, Боголюбивая Царице Богородице, Надеждо и Прибежище наше.
Икос 1
Ангелов превысшую вся Небесныя Силы величают Тя, Богородицу Царицу, мы же грешнии на земли, чудному Божию о Тебе смотрению дивящеся, всею душею, сердцем и устнами дерзаем глаголати:
Радуйся, Благословенная в женах Дево Благодатная;
радуйся, Всевышняго Мати, Духа Святаго пребывание.
Радуйся, Царице Небесе и земли и всех Небесных Сил высшая;
радуйся, Ангелы чтимая, от Серафим воспеваемая.
Радуйся, благословляемая на Небеси и славимая на земли;
радуйся, воистину Присноблаженная и Пренепорочная.
Радуйся, Боголюбивая Царице Богородице, Надеждо и Прибежище наше.
Кондак 2
Видящи Премилосердная Матерь Божия земное скорбное житие наше, немощи и болезни, благоизволи явити чудо, избрав сосуд благодати и милостей Своих к нам, благочестиваго князя Андрея. Обаче и мы с радостию несказанною припадаем к Тебе, Владычице, и из глубины души благодарим Тя, нашу дивную Заступницу, воспевающе Богу: Аллилуиа.
Икос 2
Разумети хотя чудо, явленное милостию Твоею, Пресвятая Богородице, егда кони, везшии святый образ, сташа, и людие к шествию подвигнути их не возмогоша, благоверный князь Андрей начат со слезами молитися к Тебе, Владычице, да покажеши, Пречистая, волю святую Свою; Ты же в видении благоволила еси открыти преблагий совет Твой. Темже и мы, чудо сие воспоминающе, преклоньше колена, взываем сице:
Радуйся, прославившая место обители Твоея дивным чудодействием и в сем милость преизобильную нам показавшая;
радуйся, страну Владимирскую светом Своим озарившая и лучи света на всех нас простирающая.
Радуйся, Всеблагая наша Наставнице, любовию нас привлекающая;
радуйся, Охранительнице наша от бед и болезней.
Радуйся, у Господа спасения нашего Ходатаице, Царице наша Небесная;
радуйся, за вся благодеяния Твоя благодарению нас научающая.
Радуйся, Боголюбивая Царице Богородице, Надеждо и Прибежище наше.
Кондак 3
Сила Вышняго осеняет всех, с верою и благоговением притекающих к Тебе, Пречистая Госпоже Богородице, и уповающих на Твою милость, понеже всякое благое прошение приемлеши тепле. Благоверный князь моляше Тя, Владычице, явити волю Твою, преисполнився трепета пред таинством Твоего произволения. Такожде и мы к Тебе, Пречистая, прибегаем, умиленно вопиюще: Всемилостивая Покровительнице наша, научи и нас прославляти всечестное и всехвальное имя Твое и достойно воспевати Богу: Аллилуиа.
Икос 3
Имеяй на пути, яко Боготечную звезду, честный образ Твой, Владычице, благоверный князь в прилежней молитве своей пред чудотворною Твоею иконою сподобися яве узрети Тя, Царицу Небесную, теплое ходатайство Твое Богу приносящую о месте явления Твоего и о всем мире. О Божия Мати, Пречистая Богородице! Со умилением припадаем к Тебе и, богатыя Твоея милости ожидающе, умильно вопием Ти:
Радуйся, Радосте наша и крепкая Заступнице;
радуйся, Покрове наш и наше Утешение.
Радуйся, Охранительнице наша и наше Упование;
радуйся, Отрадо наша и дивное о нас попечение.
Радуйся, Похвало наша, чудесы нас удивляющая;
радуйся, Прибежище наше и залог вечнаго спасения.
Радуйся, Боголюбивая Царице Богородице, Надеждо и Прибежище наше.
Кондак 4
Недоумевает ум наш, како достойно есть восхвалити Тя и дивное явление Твое, Пресвятая Владычице: яко солнце лучи испущающи, предстала еси молящемуся князю и тако рекла еси: «Не хощу, да образ Мой несеши в Ростов, но во Владимире постави Его; на сем месте во имя Моего Рождества церковь воздвигни и обиталище иноком состави», и, воздевши Свои Божественнеи руце ко Владычнему образу, скрыся от духовных очес его. Преклоняем и мы колена пред Тобою, Боголюбивая Мати, и Твоя чудная явления и веления разумеюще из глубины души воспеваем Богу: Аллилуиа.
Икос 4
Слыша Господь моления Твоя, Богоизбранная Царице Небесная, обеща выну исполнити, яко Преблагия Матере, прошения Твоя. Ты же, о Владычице, тогда рекла еси ко Господу усты Своими: «Владыко Многомилостиве, Господи, Иисусе Христе, Сыне и Боже Мой, молю Тя, да пребудет Божественная благодать на людех Твоих, и светозарный луч славы Твоея да нисходит всегда на место сие, Мною избранное». Истинно исповедуем, о Пречистая, яко скоро помогаеши с верою к Тебе прибегающим, и, со умилением воспевающе Тебе, зовем сице:
Радуйся, Молитвеннице наша пред Господем и Сыном Твоим;
радуйся, Заступнице всего рода человеческаго и Защитнице народа православнаго.
Радуйся, Матернюю любовь Твою всегда нам являющая и вся благая нам дарующая;
радуйся, радости нам, благодати же и славы вечная Ходатаице, дивная наша Утешительнице.
Радуйся, бытие обители и ниспослание на ню благодати предвозвестившая;
радуйся, в память Твоего явления храм во славу Рождества Твоего устроити указавшая и тамо Церкви Христовой дивное украшение явившая.
Радуйся, Боголюбивая Царице Богородице, Надеждо и Прибежище наше.
Кондак 5
Яко лучезарную звезду, в пределах Владимирских явленную, узре князь Андрей Пресветлый образ Твой, Владычице, и в явлении сем уразумев знамение велия попечения Божия о месте явления Твоего, даде ему имя Боголюбивое. О Царице и Владычице! Освети и нас светом Твоим Небесным, сохраняющи нас под кровом Твоим благим, услыши всеумиленныя молитвы восхваляющих Тя и воспевающих Богу: Аллилуиа.
Икос 5
Видение чудное Богоматере и святыя словеса Ея приемля с радостным трепетом, благоверный князь умиленно со слезами паде на землю и сладостно возблагодари Всевышняго, яко сподобися узрети Тя, Пресвятую Богородицу. Посем ускори церковь заложити, идеже ныне Боголюбивая обитель, именем Твоим красующися, молится за весь мир пред пречистым Твоим образом. Созерцающе в таковом сбытии знамение благодати, дерзаем воспевати сице:
Радуйся, Милостивая, яко устроила еси тихое пристанище ищущим спасения;
радуйся, Пресветлая, яко свет подаваеши всем хотящим жити в преподобии и тем показуеши правыя стези к Царствию Небесному.
Радуйся, теплая Ходатаице о живущих в обителех Твоих, милость Свою выну им обещавшая;
радуйся, яко в трудех иноческих им всегда помогаеши и к трудолюбию подвизаеши.
Радуйся, яко в келлиях монашеских на молитву вразумляеши и к добродетельному житию ревностно возбуждаеши;
радуйся, Хранительнице дивная обителей святых, яко Твоею благодатною силою оныя зиждятся и преспевают в благочестии.
Радуйся, Боголюбивая Царице Богородице, Надеждо и Прибежище наше.
Кондак 6
Проповедует вся земля Российская богатыя милости Твоя, Владычице, и дивное благодатное князя Андрея вразумление. Сему последуя, благоверный князь повеле образ написати тем подобием, якоже ему явися Пречистая, и, обрет святую икону, поклонися, радостно со слезами благодаря Бога и скорую нашу Помощницу, взывая: Аллилуиа.
Икос 6
Возсия благодать неизреченная от цельбоносныя иконы Твоея, Пресвятая и Боголюбивая Мати. Слышим и видим величие чудес, от нея бываемое, со удивлением взираем на сию икону, яко на Пресветлое лице Самой Пречистыя Девы. О Госпоже, Царице и Владычице! Ты выну воздвизаеши руце Твои на моление за нас пред Сыном Твоим, не презри и вопиющих Ти похвальная сия:
Радуйся, во утешение нам даровавшая образ Твой чудотворный;
радуйся, новую милость и новую благодать сим в Церкви являющая и тем путь спасения показующая.
Радуйся, Покровительнице наша, от бед нас спасающая и в скорбех быстрое облегчение нам посылающая;
радуйся, сострадательнейшая к болезнем нашим, скорую помощь нам подающая.
Радуйся, Боголюбивая Царице Богородице, Надеждо и Прибежище наше.
Кондак 7
Хотя благоверный князь достойно почтити пресвятую волю Твою, Владычице, собра архиереи, священники и людей множество, да ублажат Тя хвалебно собором. О чуднаго торжества! О премудрости судеб Твоих, Владычице! Преславно преносится чудотворная Твоя икона в дивный храм всечестнаго Рождества Твоего. Чудодействием прославляется церковь Твоя, о Госпоже Богородице, и вси предстоящии, радости и умиления исполнении, прекдоньше колена, целуют Твой пречистый образ и взывают: О, Мати Боголюбивая, осени всесильною Твоею десницею и нас, воспевающих Богу: Аллилуиа.
Икос 7
Дивна дела Твоя, Владычице! Вси людие, здравии и болящии, богатии и нищии, вси прибегаем к Тебе, сострадательнейшей Матери нашей. Не отрини нас от лица Твоего, буди милостива к нам, недостойным рабом Твоим, во всех путех жизни нашея, защити и помилуй от всея души любовию вопиющих Тебе таковая:
Радуйся, ненадеющихся надеяние и печальных утешение;
радуйся, о скорбящих попечение и бедствующим помоще.
Радуйся, алчущих Кормительнице и нищих одеяние;
радуйся, убогих Заступнице и болящих исцеление.
Радуйся, старцев Покровительнице и юных Воспитательнице;
радуйся, враждующих примирение и обидимых Защитнице.
Радуйся, Боголюбивая Царице Богородице, Надеждо и Прибежище наше.
Кондак 8
Дивное чудо пренесения преславныя иконы Твоея, Владычице, торжественно вси чествуем и на всякое лето в сей светлый праздник благодарне воспоминаем вся неизчетная благодеяния чудес, Тобою, Пречистая, от иконы дивно источаемых; и тя, угодниче Божий Леонтие, в помощь призываем, чтуще с любовию честную память твою, да молитвами твоими сподобимся у Пречистыя обрести благодать, еще же непрестанно воспевати Господу: Аллилуиа.
Икос 8
Все величие чудес Твоих, Пречистая, несть исчислити возможно, егда безбожный царь Батый, разоряя грады и веси и храмы сожигая, со многою ратию приблизися и ко святей обители Твоей, Пречистая, вниде в церковь и, обрет чудотворную икону, дерзостно положи руку на драгая ризы, храм со всем богатством огню предаде, точию един образ Твой, Владычице, цел обретеся и ничимже поврежден бысть. О велие чудо! О, коль дивны знамения благодати являеши нам, Пречистая! Кто не ублажит Тя? Кто не воспоет Твоя славная чудеса? И мы, грешнии, со умилением взирающе на святую икону Твою, толь чудесно от погибельнаго пламене сохраншуюся, со слезами взываем сице:
Радуйся, яко купина, огнем горевшая и неопальна пребывшая;
радуйся, яко благодать Тебе дадеся силу огненную угашати.
Радуйся, в годину напастей и испытаний оставльшая нам святую икону Свою во утешение;
радуйся, яко благостынею Своею угашаеши в нас огнь нечестия пламенем огня Божественнаго.
Радуйся, прославившая чудесы икону Твою;
радуйся, яко молитвою и лобызанием иконы Твоея вси мы приемлем благодатное утешение.
Радуйся, Боголюбивая Царице Богородице, Надеждо и Прибежище наше.
Кондак 9
Все упование возлагаем на Твою благость, Пресвятая Владычице! Милосердию Твоему несть конца, величие же Твое кто исповесть? Предстоящи с мольбою у Престола Всевышняго, коль многое множество чудес являла еси нам, Пречистая, коль дивно спасла еси славный град Москву от грознаго врага Тамерлана, коль чудно объят его великий страх пришествием Твоим в матерь русских градов и понуди абие отступити со всем воинством. Не умолчим никогда, Заступнице наша Преславная, о всех Твоих благодеяниих, да не будет под спудом свет чудес Твоих. И ныне, предстояще пред Пречистым Твоим образом и молящеся умиленною душею и сокрушенным сердцем, взываем Богу: Аллилуиа.
Икос 9
Витии многовещаннии не довлеют по достоянию воспети хвалу и благодарение Пречистей, како царственный град сохрани от татарских полчищ. Егда вся рать вражия отступаше от предел Московских, царь Иоанн со скорбию и слезами отпусти чудотворный образ Твой, Боголюбивая Владычице, в избранную обитель Твою, идеже со умилением и радостию неизреченною сретоша его людие, и от мала до велика, вси, преклоньше колена, ублажаху Тя, Пречистая. И мы, сея радости мысленне причащающеся, Царице Небесней вопием благодарне:
Радуйся, премилосердая Утешительнице наша, святую икону дати нам изволившая;
радуйся, от нашествия врагов иноплеменных нас дивно спасшая.
Радуйся, царей наших несокрушимый щите;
радуйся, отечества нашего благонадежное утверждение.
Радуйся, воинства крепкая защито, от меча вражия сохраняющая;
радуйся, от разорения, плена и лютыя смерти святою десницею Твоею всех уповающих на Тя избавляющая.
Радуйся, Боголюбивая Царице Богородице, Надеждо и Прибежище наше.
Кондак 10
Спасти хотя свою душу, благочестивый царь Феодор, любовию божественною разжигаем, добре подвизася, пребывая в посте и молитве, и, вельми любя Боголюбивую обитель, часто ю посещаше. Единожды же с теплою молитвою пред чудотворною Твоею иконою, Боголюбивая Мати, от усердия своего в дар Тебе принесе носимый на персех своих честный крест, каменьми драгими украшенный. Взирающе на сие дивное украшение иконы Твоея, о Пречистая, радуемся вси духовно о сем, како Тя, Царицу и Владычицу, славят и чтут вси вернии, и молящеся вопием Богу: Аллилуиа.
Икос 10
Стена, ограждающая ны от всяких болезней, бываеши Пресвятая Богородице, егда со умиленною молитвою призываем в помощь нашу Твое Матернее милосердие. Аще бо Ты не бы предстояла, Боголюбивая Мати, молящи о нас, кто бы нас избавил от смертоносных ран и язв всегубительных! Со умилением созерцаем, како на пути благодатнаго шествия Твоего вси болящии чудесно исцеляхуся и струпи на телесех во мгновение ока врачевахуся. Темже и мы, припадающе к цельбоносней иконе Твоей, молим Тя, Владычице: не остави ны милостию Твоею пребогатою, избави ны от всяких болезней, наипаче же от смертоносныя язвы и пагубы. О Пресвятая Богородице! Благоспешно спаси нас и помилуй с верою и любовию вопиющих Ти из глубины души:
Радуйся, страны нашея православныя дивная Покровительнице, многажды от бед и напастей ю избавлявшая;
радуйся, страдальцев благодатным утешением венчающая и разслабленным скорое возставление дающая.
Радуйся, слепым прозрение и хромым от недуга их дивное избавление даровавшая;
радуйся, пораженных различными недугами и болезньми чудесно исцеляющая.
Радуйся, скорбящих родителей в лишении чад их утешающая благодатною Твоею помощию;
радуйся, Целительнице наша в страданиих телесных и благая Утешительнице в печалех наших душевных.
Радуйся, Боголюбивая Царице Богородице, Надеждо и Прибежище наше.
Кондак 11
Пение благодарственное всеумиленно приносит Тебе, Боголюбивая Мати, вся страна Российская за чудное избавление от смертоносныя язвы, толь гибельно ю поразившия. Светлии дни дивных исцелений начертаны на сердцах верующих, и моления теплыя возносятся на всякое лето в память сего радостнаго торжества, егда святая икона Твоя, Владычице, с пении духовными приносится в славный град Владимир. Красуйся и ликуй, благословенный граде! Торжествуйте, правовернии, зряще несомую икону Владычицы, источающую неизчетныя исцеления всем притекающым к ней с верою и любовию! Преклоняем и мы колена пред Тобою, Пресвятая Богородице, величаем Тя и молим: приими милостивно и от нас жертву хвалы и прославления, приносимую Тебе от недостойных раб Твоих, вопиющих Богу: Аллилуиа.
Икос 11
Светозарную икону Твою, Боголюбивая Мати, с благоговением зрим в Божественных храмех Твоих, радующеся. Кто не прибегаше к Тебе, Владычице? Кто не покланяшеся, кто не лобызаше Твоя пречистыя стопы? Кто не умоляше Тя, Заступницу нашу? О Пресвятая Дево, приими веру и усердие наше, направи путь наш на стези истины, умоли Господа и Сына Твоего, да спасет нас, имиже весть судьбами, да не погибнем в нераскаянии о наших грехопадениих, и услыши моления к Тебе взывающих:
Радуйся, Благодатная, всеми добродетельми преукрашенная, Своею благодатию нас не оставляющая;
радуйся, Хранительнице наша, в час смертный тьму вражию отгоняющая и по смерти нас упокоевающая.
Радуйся, Милостивая, милость Свою нам являющая в день испытания, воньже открыются дела наша, добрая же и злая;
радуйся, Милосердая, заступление нам посылающая и тем в будущем вечныя радости сподобляющая.
Радуйся, Боголюбивая Царице Богородице, Надеждо и Прибежище наше.
Кондак 12
Благодатию Божественною осеняема, святаго Иоанна Предтечу с лики Архангел зрим стоящия окрест Пречистыя Матере Боголюбивыя, вкупе же ублажаем и тя, угодниче Божий. Помози нам, немощным, имети веру непоколебиму, ум чист, силы и произволение освящати души наша постом и молитвою и выну полагати хранение устом нашим, да молитвами Владычицы и твоими сподобимся достойно воспети Богу нашему: Аллилуиа.
Икос 12
Поюще неисчетная знамения и чудеса Твоя, Пресвятая Богородице, умиленно припадаем к пречистому образу Твоему, Боголюбивая Мати, лобызающе его со страхом и трепетом, хвалим Тя яко неисчерпаемый источник благодати, и молим: буди Ходатаица о нас, воздвигни руце к Сыну Твоему, да выну в жизни сей и в будущей милосердие Его неотступно будет от нас, взывающих Тебе:
Радуйся, Присноблаженная, паче земнородных ведущая блаженство пребывати с Богом;
радуйся, и нас причастники сего блаженства соделывающая.
Радуйся, Пренепорочная Дево, всецело стяжавшая чистоту, смирение и непорочность;
радуйся, дарующая нам благая сия, да будем угодны Тебе и Богу.
Радуйся, Всемилостивая Царице, простирающая на нас, грешных, милость Свою во всякое время живота нашего;
радуйся, чадолюбивая Мати, дарующая нам Свое Матернее заступление в час смерти.
Радуйся, Боголюбивая Царице Богородице, Надеждо и Прибежище наше.
Кондак 13
О Мати Боголюбивая, Царице Небесная, Всемощная наша Предстательнице! Малыя сия услышавши смиренныя мольбы наша, призри на ны милостивым Твоим оком; буди нам скорая Заступница в день кончины нашея и в час смертный явися нам Сама, Пречистая, простирающи руку помощи, отгоняющи духов злобы, ищущих поглотити душу нашу при разлучении от тела, и сподоби нас в будущей жизни в веселии и радовании возвеличити и прославити Тя, яко Преблагую Покровительницу нашу, да спасеннии Тобою, в безконечнем веце вопием Богу: Аллилуиа.
Этот кондак читается трижды, затем икос 1-й «Ангелов превысшую…» и кондак 1-й «Взбранной Воеводе…».
Молитва 1-я
О Пречистая Госпоже Богородице, Мати Боголюбивая, надеждо нашего спасения! Воззри милостивно на предстоящия с верою и любовию и покланяющияся пречистому образу Твоему, приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О Предивная Владычице! покажи на нас чудныя милости Твоя: избави нас от всякия скорби, настави на путь всякия добродетели и благостыни, спаси от искушений, бед и болезней, изми от нас оклеветания и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы, подай нам Свою милостивую помощь на пути, в мори и на суше, да не погибнем люте. О Всемилостивая Боголюбивая Мати, с твердым упованием возсылаем к Тебе нашу убогую молитву! Не отрини наших
слез и воздыханий, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем преблагословенное и всепетое имя Твое. Аминь.
Молитва 2-я
О Чудная и Высшая всех тварей Царице Богородице, Небеснаго Царя Христа Бога нашего Мати! Услыши нас, грешных и недостойных раб Твоих, в час сей молящихся и припадающих к Тебе с воздыханием и слезами и умильно глаголющих: изведи нас от рова страстей, Владычице; избави нас от всякия скорби и печали; огради от всякия напасти и злых клевет, от неправеднаго и лютаго навета вражия. Можеши бо, о Благодатная Матерь наша, не точию от всякаго зла сохранити люди Твоя, но и всяким благодеянием снабдити и спасти; разве Тебе иныя Предстательницы в бедах и обстояниих и теплыя Ходатаицы о нас, грешных, не имамы к Сыну Твоему, Христу Богу нашему, Егоже умоли, Владычице, да, спасеннии Тобою, славим и в будущем веце Всесвятое Имя Сына Твоего и Бога нашего, купно со Отцем и Святым Духом, ныне и в безконечныя веки. Аминь.
Просмотров (386)